Azpeitiko Udala
Azpeitia ezagutu
Inazio santua
Inazio santuaren herria
Bere burua Jainkoari eskeini zionetik, Inazio santuaren bizitzaren zatirik garrantzitsuenetako bat Azpeitian gertatu zen, Madalenako Ospital eta Elizatxoan, bere jaiotetxetik, Loiolatik, kilometro ingurura.
Bataioko pontea
Azpeitian, Soreasuko Sebastian santuaren Eliza nagusian, dago Inazio santuak bataioko ura hartu zuen pontea. Jendeak erlikia zoragarri moduan gurtzen du.
Egibar baserria
Loiolako Dorretxetik hurbil dago. Baserri honetan igaro zituen Inazio santuak bere haurtzaroko lehen urteak. Etxe honetan bizi zen eta Loiolatarren oletako batean lan egiten zuen Erraztiko olagizonaren emazteak, Maria Garinek, eman zion bularra eta hazi zuen.
Olatzko Amaren Baseliza
Baselizatxo honetara etorri ohi zen sarritan Inazio, ume eta gaztetan, otoitz egitera Olatzko Amaren irudiaren aurrean. Gipuzkoako Batzar Nagusien bilkura-leku ere bazen.
Madalenako Ospitala
Ospital honetan bizi izan zen Inazio santua hiru hilabetez, 1535. urtean Azpeitira etorri zenean. Hemendik atera ohi zen egunero Azpeitiko kaleetara, eskera. Eskean lortzen zuen dirua, gero, Ospitalean zeuden behartsuen artean banatzen zuen..
Madalenako Elizatxoa
Hemen aritzen zen Inazio bere herritarrei predikatzen eta txikienei kristau ikasbidea irakasten. 1921. urtean zaharberritu zen, Inazio santua Iruñean zauritu zuteneko IV. mendeurrena izan zenean.
